-- Advertisements --
METRO MANILA – Masasabtan an iba pa nga mga detalye ha sitwasyon ni anay Ako Bicol Party-list Rep. Zaldy Co kun makaistorya na ni Department of Justice Sec. Eric Vida an mga otoridad ha Czech Republic.
Pahayag ini ni DOJ Spokesperson Atty. Polo Martinez kasumpay ha pahayag nga waray gin-aresto an anay kongresista.
Eksplikar ni Martinez, dire “technically arrested” hi Co pero mahugot nga naka-detain.
Ginpananglitan hini an sitwasyon ha usa nga airport kun diin umulpot an usa nga indibidwal pero waray tuguti han immigration nga makasulod ha nasud.
Samtang, basar gihapon ha ira pinaka-urhi nga impormasyon in aada pa ha ilarum hi Co ha hurisdiksyon han Czech authorities.
