METRO MANILA – Ginko-konsidera nga ada ha all-time high an presyo han lana ha Pilipinas mahuman an ikaduha nga hugna han bigtime oil price hike.
Subay kan Department of Energy (DOE) Secretary Sharon Garin, nahipatik han ahensiya an duha nga magkasunod nga pinaka-hitaas nga paghitaas han presyo han produktong petrolyo ha kasaysaya han nasud.
Ine in maiko-konsidera nga all-time high consecutive price hike ha sektor han petrolyo.
Kun padayon nga maging epektibo, ine an pinaka-hitaas nga pampresyuhan han produktong petrolyo ha kasaysan.
Dugang pa han opisyal, posible nga mas hitaas pa an presyo hiton lana ha mga lugar nga hirayo ha National Capital Region, partikular ha mga lugar nga nanginginahanglan hin mas hilaba nga biyahe para maihatod an supply han petrolyo.
Manunumdan, naging epektibo han Martes, Marso 10, an siyahan nga bigtime price hike, pira kaadlaw mahuman magtika-duro an kasamok ha Middle East, diin damo nga mga nasud an dabi han kasamok.
Yana naman nga Martes, Marso 17, ginpatuman han mga kompanya hiton lana an ikaduha nga hugna hiton paghitaas han pampresyuhan hine.
Kun susumahon, umabot na ha haros P50 an ginhitaas han presyo hiton diesel, sobra P42 ha kerosene, ngan sobra P25 naman ha gasolina.
