TACLOBAN CITY – Waray pa pag-umento ha mga presyo han papliton ha mga merkado ha rehiyon.
Ini in sumala kan Department of Agriculture Eastern Visayas Senior Agriculturist, Dioscoro Gasatan Jr.
Dugang pa hini, mayda gintatawag nga “log” para han porsyon kun pira kaadlaw ugsa umepekto an paghitaas han presyo han papliton, kun diin ha parte han transportasyon, an gasolina o diesel an posible nga makaapekto ha pag-umento han papliton.
Ha pagkayana in waray pa naman pagkiwa ha mga presyo han papliton ha kaluyo nga 3% han transport cost in nagagastos para ha gasolina o diesel.
Ginmalatumat gihapon hini nga waray pagkukulang ha mga suplay han produkto ha rehiyon ngan ginsisigurado nira nga padayon nga nagios an buhatan agud mapabilin an supresyente nga suplay han mga produkto ngan mabaton an mga panginahanglan han mga kunsumidor.
Ha lain nga bahin, nagpahinumdom ini ha mga paru-paninda nga igpabilin an patas ngan resonable nga presyo ngan dire magduru-duro ha pagpapatong hin presyo agud dire gihapon mabug-atan an mga mamaralit.
