NATIONAL NEWS– Ginhangyo ni Pangulong Ferdinand Marcos Jr ha mga manbaralaod nga tagan prayoridad nga maipasara an pagtangal hiton travel tax ngan pagbabawal han political dynasties ha nasud.
Sumala kan Communications Undersecretary Claire Castro duha ine ha 21 nga priority bills nga karuyag maipasar han mga manbaralaod ugsa an pag-adjourn han Kongreso ha bulan hiton Hunyo.
Gindumara han pangulo an nasabi nga kamanduhan ha 3rd Legislative Executive Development Advisory Council (LEDAC) meeting ha Malacañang.
Dugang pa ni Castro, nga an pira nga mga nabiyahe in dire la pamasyado matungod nga an iba in nagtratrabaho.
Ha pagkayana subay ha Tourism Infrastructure and Enterprise Zone Authority (TIEZA) nga nagbabayad an mga pasahero hin first class seat nga P2,700 ha travel tax samtang P1,620 naman ha mga economy class nga pasahero.
