TACLOBAN CITY – Nakatalaan nga igpailarom ha preemptive evacuation an pira nga mga residente ha Southern Leyte tungod ha Bagyong Auring kun diin ginlalauman nga usa an probinsya ha mga aagian han mao nga bagyo.
Sumala kan Danilo Atienza, PDRRMO han Southern Leyte, ha pagkayana in nakaandam ngan nakaalerto na an tanan han mga response clusters ha bug-os nga probinsya.
Nakapreposition na gihapon an tanan han mga heavy equipment ha flood ngan landslide prone areas ha Southern Leyte.
Nakaandam naman an gagamiton nga mga truck ngan sarakyan para han pagdudumaraon nga preemptive evacuation san-o pa man an pag-igo han bagyo.
Ha pagkayana in suspendido na an byahe han mga sakayan pandagat ha probinsya ngan nagkaada na gihapon hin safekeeping ha pira nga mga coastal areas ha Southen Leyte kalakip na an Limasawa Island.
