NATIONAL – Ginlalaoman nga magpapatuman hin rollback an mga kompaniya han lana ha presyo han mga produkto han petrolyo ha masunod nga semana.
Sumala ha Derpartment of Energy-Oil Industry Management Bureau, posible nga humamubo an presyo han produkto basar ha tulo ka-adlaw nga Mean of Platts Singapore trading.
Posible humamubo an presyo han petrolyo hin kutob:
Diesel: P0.15 kada litro
Gasoline: P0.50 kada litro
kerosene: P0.20 kada litro
Sumala pa ha DOE-OIMB nga an rollback in dara han pag-iban han geopolitical tensions, global oversupply han lana, mahinay nga demand tikang ha mga dagko nga consumer sugad han China, ngan mga polisiya han OPEC+.
An opisyal nga price adjustment in kadaras-an ginaanunsyo han mga oil company kada Lunes ngan ginpapatuman ha Martes.
