Magsasalawad hin reklamo an Philippine National Police – Criminal Investigation and Detection Group (PNP-CIDG) kontra kan Senador Robin Padilla ngan iba pa mahitungod ha pagbulig kan Senador Ronald “Bato” dela Rosa nga makaiskapo.
Ha usa nga pahayag yana nga adlaw, ginmalatumat han CIDG nga igre-refer nira ha National Prosecution Service han Department of Justice (DOJ) an reklamo para ha daw pagtalapas han Presidential Decree No. 1829 o an obstruction of justice.
Subay ha ahensya, an pagpasakay ni Padilla kan Dela Rosa in dire la simple nga “hitch ride” kundi usa nga “highly coordinated, pre-planned logistical maneuver” agud dire ma-detect samtang naiskapo pagawas han premises han Senado dida han maagahon han Mayo 14.
Nagawas gihapon ha imbestigasyon nga may-ada usa pa nga sarakyan an nagsusunod ha sarakyan ni Padilla nga nagserbi kumo security escort ngan backup car ha nasabi nga manuever.
Igin eksplikar naman han CIDG nga an pagsasalawad hini hin reklamo in subay ha mandato nga imbestigahan an mga krimen ngan igpatuman an balaod hin patas ngan waray gin uugupan.
