Timprano nga nahuman an kampanya ni Alex Eala ha French Open mahuman hiya perdihon ni Iva Jovic ha straight sets ha iskor nga 6-4, 6-2, ha syahan nga round han torneo han Martes.
Madagmit nga nakalamang hi Jovic ha syahan nga set mahuman umabante ha 5-1 lead. Sugadman, nakabawi hi Eala han magdaog hin tulo nga sunod nga mulay agud pagution an agwat pero dayun gihapon nga nakabawi hi Jovic ha momentum agud makuha an syahan nga set.
Ha ikaduha nga set, hi Eala an syahan nga nakapunto ugsa magdaog hi Jovic ha sumunod nga duha nga mulay. Nakadugang pa hin usa nga mulay an Filipina tennis star, pero gindomina ni Jovic an nasasalin nga parte han mulay.
Presente nga world no. 17 hi Jovic nga 18-anyos pala, samtang hin Eala, nga di pala maiha nagseselebrar han iya ika-21 nga kaadlawon in ada ha world no. 37 ranking.
Ha kaluyo han pagkakatanggal ha singles competition, magpapadayon la gihapon ni Eala ha doubles tournaments kaupod hi Victoria Mboko ha clay-court Grand Slam.
