Nahipatik han Embahada han Pilipinas ha Warsaw nga talwas ngan accounted an ngatanan han Pilipino ha Ukraine kasunod han panibag-o nga missile ngan drones strikes han Russia ha Kyiv nga pumatay hin upat nga kinabuhi ngan iginkasamad han sobra-kulang 100 katawo.
Tikang dida han nakalabay nga weekend, padayon nga ginbabantayan han embahada an kabutang han mga gudti nga kumunidad han mga Pilipino nga ada ha Kyiv ngan iba pa nga syudad han Ukraine.
Syahan hini, naglunsar an Russia hin magkasusrunod nga pag-atake, gab-i han Mayo 23, gamit an mga drone ngan hypersonic Oreshnik intermediate-range ballistic missile.
Gin ruba han mga ini an dose-dosena nga kabalayan, iskuylahan, merkado, ngan usa nga museo ha Kyiv. Gin kumpirma naman ni Ukrainian President Volodymyr Zelensky nga waray kabalabgi han ira air defense an ngatanan han ballistic missile, nga an kaurugan in gintuyo pag-target ha kapital.
Sumala naman ha Russian Defense Ministry, an pag-atake in bulos ha pambobomba han Ukraine ha mga sibilyan nga pasilidad ha sulod han Russia, usa nga akusasyon nga maduon nga igindiwara han parte han Ukraine.
