Igindiwara han National Grid Corporation of the Philippines (NGCP) nga napakyas ini magsumite hin mga report ha mga energy regulator kasumpay han susrunod nga pag-trip han Ilijan-Dasmariñas ngan Ilijan-Tayabas 500-kilovolt transmission lines nga nagdurot hin red ngan yellow alerts ha Luzon ngan Visayas grids.
Ha pagdungog naman han Kamara, ginmalatumat ni NGCP President ngan CEO Anthony Almeda nga dayun hira nagpadara hin SMS ngan email advisories ha Department of Energy ngan Energy Regulatory Commission mahuman an haluag nga brownouts dida han Mayo 13.
Sumala kan Almeda, naibalik nira an operasyon han duha nga transmission lines ha sulod han walo ngada ha 12 kaoras ha kaluyo han maraot nga panahon ngan makuri nga lokasyon.
Padayon la gihapon daw an imbestigasyon ha ugat han problema ngan dire pa gintatanggal an posibilidad han sabotage sanglit umaro na gihapon hira hin buliga ha Philippine National Police.
