Ginlunsar han Department of Finance (DOF) ngan Bureau of Internal Revenue (BIR) an Taxpayer Portal para ha mga rehistrado nga ada ha ilarom han Large Taxpayers Service ha ira nasyunal nga buhatan ha Quezon City dida han Mayo 26, 2026.
Panuyo han bag-o nga plataporma nga himuon nga mas madali ngan organisado an pagmamangulo han tax records ngan transakyon han mga dagko nga negosyante.
Pinaagi han portal, pwede makit-an han mga taxpayers an ira registration details, masubaybayan an mga tax return, makita an mga bayad, ngan makakarawat hin pahinumdom tikang ha sistema.
Ha iya pahayag, gintagan-duon ni Finance Secretary Frederick D. Go nga an TP Portal in magtatanggal ha kalipong ha paggamit han magkabulag nga sistema ngan maghahatag hin mas klaro nga panlantaw ha tax records.
Gin dayaw gihapon niya an buhatan han BIR ha pangunguna ni Commissioner Charlito Martin R. Mendoza ha pagtuman ha patapod han reporma ngan digital transformation.
Sumala kan Commissioner Mendoza, an TP Portal in kaparte han serye han digital initiatives han BIR yana nga 2026, kaupod an Interactive Digital Tax Calendar, QR Code Verification System, ngan Digital TIN sa eGovPH App.
Dugang pa hini, an pilot implementation in nakapukos la anay ha mga dagko nga taxpayers agud mas maupay an sistema ugsa ini pahaluagon.
