INTERNATIONAL – Ginsagdunan han mga doktor hi Pope Francis nga pumahuway la anay hin duha pa kabulan para han iya full recovery.
Ini in bisan man nakauli na an Santo Papa ha Vatican mahuman an 38 ka-adlaw nga pagpapaupay ha Gemelli hospital ha Rome.
Mahitungod dinhi in dire pa sigurado an mga manirimba kun regular na ba nira makikita ha publiko an 88-anyos nga Santo Papa.
Tikang ha pagkakagawas niya ha ospital in dumiretso ini ha Casa Santa Maria usa nga gutiay nga building ha Vatican nga iya nagin balay tikang han lumingkod ini kumo Santo Papa dida han 2013.
Samtang, dire sigurado an Vatican kun madadayon an personal nga pakikighampang han Santo Papa kan King Charles ha maulpot nga Abril 8 ngan ha Abril 20 nga pangungunahan hini an tinuig nga Easter celebration.
