TACLOBAN CITY – Gin malatumat ni Tacloban City Agriculture Office Head, Romelo Anade nga magigin dako nga ayat an gin-forecast nga ‘Super El Niño’ han PAGASA, dire la ha mga parag-uma kuno ha bug-os nga sektor han agrikultura.
Dugang pa hini, ha kaluyo nga mayda mga tanom nga gintatawag nga ‘sun-loving plants’ ngan ‘shade-loving plants’ in dako gihapon an posibilidad nga maapektaran an mga ini.
Labot pa han kaapektuhi han mga pananom in maapektuhan gihapon an suplay han mga papliton ha merkado labi na an mga utanon, isda, ngan iba nga produkto nga tikang ha agrikultura.
Naglalaum naman ini nga dire magin dako an epekto han Super El Niño mahitungod nga ha kaluyo han ka-preparado han mga interbensyon ngan sugad han mga parag-uma, kun gawas na ini ha kontrol han katawhan, in dire ini malilikayan.
Samtang, gin aandaman naman an nasabi nga panhitabo agud makaghatag hin bulig ha mga aada ha sektor han agrikultura sugadman, in maibanan an posible ngan danyos hini.
