LEYTE – May paghamubo an taripa han kuryente yana nga bulan han Abril 2026 kumpara dida han nakalabay nga Marso 2026.
Ini ha kaluyo han paghitaas han taripa ngan presyo han krudo ngan lana ha nasud mahitungod han kasamok ha Middle East.
Sumala kan DORELCO General Manager, Chris Garcia, an rason han paghamubo han taripa han kuryente yana nga bulan in an pag-hamubo han sukot han Generation Charge and Other Fees sugad han PSALM, System Loss,RFSC and subsidy charges, ngan iba pa nga kabarayda.
Samtang, an transmission naman in humitaas yana nga Abril 2026 kumpara dida han nakalabay nga bulan han Marso 2026.
Ada naman ha P12.0919 an sukot kada kilowatthour ha residential.
Ini nga sukot para han power suppliers, transmission, taxes, ngan iba pa nga kabaraydan in ginkokolekta la han electric cooperative ngan ginhahatag ha supplier han kuryente.
Ha lain nga bahin, nagpapabilin naman nga ada ha P2.0750 an sukot han DORELCO para han pag-distribwer han kuryente ha mga panimalay.
