Nahipatik han Philippine National Police (PNP) nga umubos an datos han mga nahipapatik nga krimen sugad han murder, homicide, physical injuries, ngan rape mahuman an istrikto nga implemenstasyon han Safer Cities Initiatives ha pangunguna han Department of the Interior and Local Government (DILG).
Sumala kan PNP Directorate for Operations Acting Director PBGen. Ponce Rogelio Penines Jr., ini nga mga resulta in tikang ha pagkukumpara han mga datos ugsa ngan mahuman an implementasyon han nasabi nga polisiya.
Basar ha datos, umubos hin haros 39.3% an mga nahipatik nga kaso han homicide, 22.9% naman an igin ubos han mga rape cases, ngan 9.8% naman an igin ubos han mga nahipapatik nga murder.
Samtang, ha kaluyo naman han mga nagpapadayon nga diskusyon kasumpay ha pira nga mga konsiderasyon nga igpapatuman kadungan han pagpapatuman han nasabi nga inisyatibo, magpapadayon an istrikto nga pagpapatuman hini agud mapabilin nga talwas an mga karsada ngan mamingaw an komunidad.
