SPORTS–Aminado an Philippine Olympic Committe (POC) na maatubang an mga ine hiton dako nga ayat ha ika 33 nga Southeast Asian Games nga pagdudumaraon ha Thailand ha Disyembre.
Sumala kan POC President Abraham Tolentino, damo an mga kategorya kun diin pwede maka-bingwit hin medalya an mga atleta pero gintanggal na an mga ine ha programa.
Usa nga pananglitan an martial arts kun diin gintanggal na an weight category.
Nagin flexible mangud an SEA Games sports program kun diin gintutugutan an host country nga magpakilala hin bag o nga mga sports na dire uso ha mga regional ngan global competitions.
Pwede gihapon hira mag-adjust hin mga event ngan category ha kada sport.
Manunumduman nga nakahuman ha ika 5 nga pwesto an Pilipinas nga may ada 58 ka gold, 85 ka silver , ngan 117 ka bronze medals ha 2023 nga SEA Games ha Cambodia.
