NATIONAL NEWS- Magpapatuman hin pagpahuruhugot ha seguridad an Philippine National Police (PNP) para ha implementasyon han ‘zero violence’ ha tiarabot nga eleksyon ha Mayo 12.
Ine an pangunahon nga direktiba ni PNP Chief PGen. Rommel Francisco Marbil, ha mga gintudlok nga pulis para ha piniliay yana nga maabot nga Lunes.
Dugang pa hine, maaabat han publiko an istrikto nga implemenstasyon ha mga checkpoints ha bug-os nga nasud.
Ine in may paghisumpay la gihapn ha mas pinahugot nga monitoring han kapulisan ha implementasyon han gun ban nga padayon la gihapon nga mayda nahipapatik nga mga pagtalapas tikang ha magkaduru-dilain nga parte han nasud.
Kasunod hine in ginsuhestyon gihapon ni Marbil an importansya han pagbabantay ha mga pantalan ha nasud mahitungod ha mga botante nga mauli pa ha ira mga probinsya para bumutos.
