NATIONAL – Posible nga ig rekomenda han House Committee on Good Government and Public Accountability, an Blue Ribbon Committee ng Kamara de Representantes, an pagsasalawad han kaso nga plunder kontra kan VP Sara ha padayon nga pagka-pakyas nga ig eksplikar kun patiunan-o gin gastos han confidential funds hine.
Maabot ha P112.5-M an kantidad han confidential fund han Department of Education (DepEd), nga gin kuha pinaagi han cash advance han aide ni Duterte, an dire pa nai-eksplikar kun patiunan-o ngan kun diin gin gastos.
Ine an igin pahayag ni Senior Deputy Speaker Aurelio “Dong” Gonzales Jr. dida han Dominggo, kadungan han panawagan kan Duterte nga batunon ngan tagan hin pagklaro an kwestyunable nga pag-aalutaga hin pondo nga nahibaruan durante han pagdungog han komite dida han Oktubre 17, ha pangunguna ni Manila 3rd District Rep. Joel Chua.
An kwestyunable nga pondo in gin withdraw pinaagi hin tulo nga magka-iba nga tseke nga mayda kantidad nga P37.5 milyon kada usa, ngan igin isyu naman kan Edward Fajarda, an Special Disbursing Officer (SDO) han DepEd. An mga cash advacne ginbuhat dida han syahan nga tulo ka-kwarter dida han 2023, dida han hi VP Sara Duterte pa an sekretartya han DepEd.
