NATIONAL – Gin latag han Department of Education (DepEd) an pira nga ginbubuhat nga solusyon ha haluag nga classroom backlog, kadungan han pagtitikang han SY 2025-2026.
Sumala kan DepEd Assistant Secretary for Strategic Management Roger Masapol, an kakulangan ha ihap han mga classroom an usa ha mga pangunahon nga problema han DepEd sanglit pirit ine nga ginbabaton han ahensya.
Kaupod hine an pagpapahitaas han gin alutaga nga alokasyon ha voucher para ha kada mga service contracting private schools. Ine in agud mabuligan an mga private school nga ma-akomodar an mas damo nga istudyante ngan dire magtarambak ha mga public schools.
Ikaduha an pagpili ha mga bata nga ‘independent learners’ agud igsulod an mga ine ha distance o virtual learning. Dinhi in mapapagaan an populasyon ha mga classrom samtang natututukan la gihapon an ngatanan han mga istudyante ha ira pag-aram.
