TACLOBAN CITY– Ginmalatumat hiton pira nga mga negosyante han syudad, nga an numero uno nga maapektaran han kakulangan han suplay iton Samar areas.
Sumala kan, Frederic Dy, President Grains Retailers Confederation Eastern Visayas, usa nga apektado dinhi an produkto hiton bugas kun diin dire an mga ine maipapadara ha Samar area matungod han nagpapadayon nga problema ha San Juanico Bridge.
Dugang pa hine, dako an magigin epekto ha pantag hiton panegosyuhan matungod nga an Tacloban mangud an sentro han mga produkto nga ginkokohaan han mga kahagrani nga munisipalidad, mapa Samar man o Leyte.
Ginbabana-bana han nasabi nga opisyal nga posible naman makaka-abat an naman an mga residente han Samar area hin hitaas nga transportation cost hiton bugas, kun an mga ine mag-aangkat tikang ha Bicol region.
Nanawagan naman ine ha mga hintutuinan, nga dagmiton an paghingayad han nasabi nga tulay, agud nga bumalik ha normal an tanan nga transakyon.
