NATIONAL NEWS– Nagtutuo hi House Deputy Majority Leader ngan La Union Rep. Paolo Ortega nga usa nga “fake news” an ginpahayag ni anay Pangulong Rodrigo Roa Duterte nga magdedeklara hin martial law hi Pangulong Ferdinand “Bongbong” Marcos Jr.
Ha kampo ni Lanao del Sur Rep. Zia Alonto Adiong ginminus hine an pahayag ni Duterte ngan ginmalatumat an katungod han anay pangulo ha iya kalugaringon nga opinyon, pero ha kaluyo hine an kaso kontra kan Bise Presidente in may madig-on ngan legal nga basaranan.
Gintagan duon pa ni Adiong, nga an mga kaso kontra kan Duterte in nasusubay ha sayop nga paggamit han confidential funds ngan mga paghuhulga ha mga higtaas nga opisyal, ngan dire ine isyu hiton pulitika.
Gin-aghat ni Adiong an publiko nga tagan hin pansin an mga importante nga himangrawon ngan dire magpa-uwat ha mga stratihiya hiton pampulitika nga panuyo in ig-wurok an pukos han kaso.
