NATIONAL – Nagin mabunga an pag-iistoryaha telepono nira Presidente Ferdinand Marcos Jr. ngan Canadian Prime Minister Mark Carney.
Gin istoryahan han duha nga lider an pagpapakusog ngan pagpapahalarom pa han kooperasyon ha pantag han trade ngan defense.
Labot pa hine in kaupod gihapon ha nahingadayan han duha nga lider in an istoryahon ha pagmentinar han kahimyangan ha rehiyon.
Ha nasabi nga pag-iistorya, igin paabot ni Presidente Marcos an iya kinasing-kasing nga pasasalamat ha madagmit nga bulig ngan suporta hine ha Filipino community sa Vancouver kasumpay han makarima-dima nga panhitabo ha Lapu-Lapu Day Festival kun diin 11 nga indibidwal an namatay ngan damo an nasamaran.
Naglalaum naman an Presidente nga mapapahaluag pa han Pilipinas ngan Canada an pagkakaurusa para ha matatagamtaman han mga residente.
