NATIONAL – Gintanggal han Philippine Army (PA) an pagkabaraka han publiko kasumpay ha mobilization han mga Amerikano ngan Pilipino nga sundalo tikadto ha norte Luzon.
Sumala kan Army spokesperson Col. Louie Dema-ala, waray angay igkabaraka kun makakakita hin mga military trucks mahitungod nga kaparte ine han bilateral large-scale logistics training ha butnga han mga sundalo ha Pilipinas ngan Amerika.
Ine in kumo kaparte han Exercise Salaknib Phase 2 sanglit waray ine hulga ha publiko.
Nakatalaan pagdumaraon han Philippine Army kaupod an US Army Pacific an paghag-id ha adlaw han Lunes, Hunyo 16 kutob Myerkules, Hunyo 18, nga may panuyo nga mapahusay pa an operational mobility, interoperability, ngan kaandaman ha butnga han duha nga pwersa.
Kaparte ha paghag-id an 1,200 nga tropa han Pilipinas ngan Amerika tikang ha 5th Infantry Division han PA ngan 25th Infantry Division han US Army.
