Gin sigurado han Philippine National Police (PNP) nga andam an ira pwersa para ha seguridad han mga istudyante, magturutdo, ngan kag-anak ha tikaharani nga pag-aabri han klase ha Hunyo 8 ha mga pampubliko ngan pribado nga iskuylahan ha bug-os nga nasud.
Sumala kan PNP Chief PGen. Jose Melencio Nartatez Jr., suprisyente an ira tawuhan agud bumaton ha mga panginahanglan han seguridad ha balik-ekswela, ha kaluyo han ginlalauman nga pagdamo han mga istudyante ha mga iskuylahan.
Ha ilarom han ira security plan, mapukos an PNP ha presensya han mga pulis ha mga iskuylahan ngan mga pangunahon nga ruta agud masigurado an katalwasan han publiko, labi na han mga kabataan.
An pahayag in ginbuhat ha butnga han mas ginpahugot nga operasyon han mga otoridad kasumpay han iba-iba nga high-profile nga kaso ha nasud.
Duon pa han PNP, padayon gihapon nira nga gindudumara an ira mandato ha pagpapabilin han kahapsay ngan kahimyang samtang dungan nga igin aandam an mga pitad para ha talwas nga pag-aabri han klase.
Waray naman iba nga detalye nga ginpagawas han PNP kasumpay ha espesipiko nga deployment han mga tawuhan, pero ginmalatumat han ahensya nga nakalatag na an ira security preparations para ha bug-os nga nasud.
