NATIONAL–Gindiwara han Philippine Navy nga myembro han Philippine Marine Corps (PMC) an 4 tikang han 18 nga ginpresenta nga ginaalegar nga bagmen nga naghatod hin mga maleta nga mayada sulod nga P805-B nga kickbacks kanda Pangulong Ferdinand Marcos Jr., anay House Speaker Martin Romualdez ngan anay Congressmand Zaldy Co.
Ha usa nga pahayag, ginklaro ni Navy spokesperson Captain Marissa Martinez nga basar ha ira official records, waray nagin myembro han Philippine Navy o PMC an 4 ka indibidwal nga ginpakilala ha usa nga press conference nga ginpangunahan ni Levito Beligod.
Pagabot naman kan Orly Guteza, gintagan hin duon ni Capt. Martinez nagretiro na tikang ha serbisyo hi Guteza tikang pa han hunyo 2020 ngan waray na ine ha ilarom han hurisdiksyon han Philippine Navy.
Ginpapasabot naman han Navy an publiko nga igberipika anay an krebdibilidad ngan kun ensakto an impormasyon nga nakakarawat kaluyo an source ngan plataproma nga gingamit agud nga mapugnan an pagpapasarang hin sayop nga impormasyon.
Samtang, nanindogan an Navy official nga magpapabilin an hukbo nga propesyunal, disiplinado ngan non-partisan organization nga dire makokompirmiso an ira integridad ngan reputasyon ngan magpapabilion nga dire natitinag ha ira mandato nga depensaran an soberanya han nasud ngan maserbe an mga Pilipino.
Ha parte naman han Armed Forces of the Philippines, ginmalatumat ni AFP Public Affairs Office Chief Col. Xerxes Trinidad nga an mga pahayag nga ginbuhat ha nasabi nga public forum in dapat igpailarom ha research pinaagi hin ensakto nga legal ngan investigative process.
