NATIONAL NEWS– Nakapagtala an Pilipinas hin pinakamahinay nga inflation rate o paghitaas han pankabug-usan nga presyo ha mga kalakal ngan serbisyo ha nasud han nakalabay nga bulan han Mayo.
Ine in mahuman an haros 6 katuig tikang han Nobyembre 2019.
Ginmalatumat ni Philippine Statistics Authority (PSA) Undersecretary ngan National Statistician Dennis Mapa nga humamubo an inflation han nakalabay nga bulan hin 1.3%.
Ine in mas mahinay tikang ha 1.4% nga naitala hadton Abril han presente nga tuig, ngan 3.9% han Mayo 2024.
Nagdara naman ine hin average inflation nga 1.9% ha syahan nga lima kabulan.
Pag-esplikar han PSA chief, an mahinay nga inflation in durot han mas mahinay nga paghitaas han mga presyo han pabahay, tubig, elektrisidad, kalakip na an presyo han langis nga huminay hin 2.3%.
