INTERNATIONAL NEWS– Gin-anunsyo han Providence Police nga kapot na nira an usa ha person of interest kasumpay ha nagin shooting ha Brown University ha Providence, Rhode Island, nga igin kamatay han duha katawo ngan iginkasamad han siyam nga iba han nakalabay nga Sabado, ( Domingo nga adlaw ha Pilipinas).
Gintutudlok han mga otoridad nga ada ha 20s an pangidarao an suspek ngan naaresto ine ha usa nga hotel ha Coventry kakulop nga adlaw, ha pagkayana waray pa ine ngarani han mga otoridad.
Ginpaangbit gihapon han mga otoridad an CCTV footage kun diin makikit-an an suspek nga nakasul-ot ine hin itom nga bado pero waray pa nabibilngan nga pusil ha lugar han insidente.
Ha lain nga bahin, ginsigurado naman han buhatan han Unibersidad nga ira babatunon an gastuson para ha mga biktima han panmusil, sugadman an pagbulig ha mga ginbayaan nga pamilya han biktima.
Ha pagkayana, ginpapagbawal la anay nga sumulod ha Unibersidad matungod nga padayon pa an imbestigasyon.
