Nahipatik han state television han Iran nga nakakuha an Tehran hin draft hin usa nga memorandum of understanding kaupod an Estados Unidos kasumpay han posible nga paghuhuman han kasamok ha butnga han duha nga nasud.
Basar ha notisya, nakabutang ha draft framework nga ibabalik han Iran ha normal o pre-war levels an commercial shipping ha Strait of Hormuz ha sakob han usa ka-bulan. Kabalyo hini, tatanggalon naman han Estados Unidos an mga puwersa han militar hini harani ha Iran ngan ig-uundang an naval blockade.
Sumala ha state TV han Iran, dire pa pinal an nasabi nga framework ngan dire anay makiwa an Tehran kutob waray “tangible verification” o konkreto nga kasiguraduhan ha mga kasarabutan.
Dugang pa hini, kun magkakamayda hin pinal nga kasarabutan ha sakob han 60 ka-adlaw, posible ini aprubaran kumo usa nga binding resolution han United Nations Security Council.
