-- Advertisements --
Naghulga hi US President Donald Trump nga aatakehon an Oman, nga usa nga kilala nga kaalyado han Amerika, ha oras nga dire ini magtuhay o mag-“behave”.
Ginbuhat han presidente han Amerika an nasabi nga hulga kasunod han mga report kasumpay ha daw negosasyon ha butnga han Iran ngan Oman.
Subay ha mga notisya, nagpaplano an duha nga nasud nga magkaupod nga magpatuman hin toll ha mga barko nga maagi ha Strait of Hormuz.
Syahan na nga gindeklara ni Trump dida han Martes nga utro aabirhan an aragian para ha ngatanan ngan iginduon nga waray hin-o man nga nasud an mayda katungod nga magkontrol hini. Dugang pa, babantayan han Amerika an lugar kumo kaparte han ira nagpapadayon nga pakikignegosasyon.
