ODD – Usa nga 4-year-old parrot an sikat ha TikTok an nakaghipatik hin world record mahitungod ha talento hine nga kumilala han magkaduru-dilain nga butang.
Ginkumpirma han records keeping organization nga Guinness World Records nga an African Gray Parrot nga hi Apollo an pinakabag-o nga record holder han titulo nga “Most Items Identified by a Parrot in 3 minutes”.
Ine in mahuman nga maka-identify hin 12 items ha sulod han tulo ka-minutos. Pira han mga butang nga ginkilala ni Apollo in libro, medyas, ngan tinapay.
Sumala han mag-asawa nga Dalton ngan Victoria Mason nga tag-iya kan Apollo, na-train nira ine gamit an pamagi nga ginpublish ni Irene Pepperberg, usa nga animal psychologist.
Labot ha pagigin baltok nga parrot, hi Apollo in usa nga sikat nga social media star kun diin mayda ine 2.8 million followers ha TikTok ngan 1.37 million subscribers ha YouTube.
