Nagtitikahalaug na an karera han Pinay singer nga nakabase ha South Korea nga hi Gwyn Dorado mahuman hini himuan hin Official Theme Song an sikat nga K-drama ”My Royal Nemesis.”
Nakilala hi Gwyn ha edad nga 10-anyos mahuman hiya bumulig ha Asias Got Talent kun diin umabot hiya kutob ha Grand Finals ngan naghuman kumo usa ha Top 5 finalists, kaupod an iba pa nga Pinoy acts sugad han El Gamma Penumbra ngan soprano nga hi Gerphil Flores.
Dida han 2016, ginkanta niya an Philippine National Anthem ha urhi nga State of the Nation Address ni late former President Noynoy Aquino.
Ha pag-uswag han iya karera, pumirma hiya dida han Pebrero 2024 hin lima katuig nga kontrata ha South Korean agency nga A.O Entertainment, nga nagin dalan han iya pagsulod ha K-music industry.
Tikang hadto, ginpawas niya an kanta nga “What If,” nga nagin official soundtrack han K-drama nga ToGetHer, ngan ginsundan ini han digital singles nga “Way,” kumo opisyal niya nga debut ha South Korea.
