NATIONAL – Iginduduso ni House Committee on Good Government and Public Accountability Chairman Joel Chua an pagbug-os han usa nga balaudnon nga magre-regulate ngan magsisigurado ha sakto nga paggastos han confidential funds.
Ha ika-upat nga pagdungog han Komite kasumpay ha daw sayop nga paggamit han confidential funds han Office of the Vice President, gintagan-duon ni Chua nga nagin klaro ha imbestigasyon nga madagmit abusuhon an nasabi nga pondo kun duro nga halaug an mga aludayday.
Panahon na daw para pahilaugan an auditing powers han Commission on Audit ha confidential funds agud mahiupod an verification han aktwal nga paggasto hine ngan dire la mga supporting documentation.
Igin punto naman ni Chua nga limitado la an COA ha pagberipikla kun kumpleto an dokumento ngan dire na magpapailarom ha assessment an authenticity.
