NATIONAL- Nanawagan hi Senador Kiko Pangilinan ha Independent Commission for Infrastructure (ICI) na isapubliko an gindudumara nga hearing para ha transparency ngan accountability.
Sumala pa kan Pangilinan, dire sakto an nagin desisyon han ICI nga pugngan an publiko nga masubaybayan online an ira hearing.
Ine in mahuman nga gindig-unan han ICI nga kinahanglan nga likayan an “trial by publicity” ngan mapugngan an paggamit han mga hearing para ha pankalugaringon interes o pampulitika nga agenda.
Gintagan duon han senador, kumo tagmangulo han Senate Committee on Justice and Human Rights, nga nag-uugat an mga corruption scandals ha kakulangan han sistema.
Dugang pa hine nga importante an madagmit nga paghatag hin penalidad ngan sirot, ngan himuon nga non-bailable offense an korupsyon agud nga masigurado an maupay nga padalagan han gobyerno.
Nananawagan naman hi Pangilinan ha ICI nga abrehan an hearing ha publiko ngan dire balabgan nga mahibaruan han katawhan an kamatuoran.
