NATIONAL NEWS– Ginbasura ni House Deputy Majority Leader at Iloilo Rep. Janette Garin an reklamador nga istilo ni Vice President Sara Duterte han igpahayag hine nga mayda sayop ha pagkapot han pondo han gobyerno, partikular na hadton sekretarya pa ine han Department of Education (DepEd).
Subay mangud kan Duterte usa ha mga rason kun kay-anu hiya nagbul-iw kumo kalihim han DepEd in an mga sayop nga paggamit han pondo hiton ahenysa nga ginprobaran hine nga tadungon pero waray hiya nakuha nga suporta ngan waray gihapon pagbabag-o.
Ha gindumara nga oversight meeting ha pondo han DepEd, ginpahayag ni Garin, nga nagawas nga ha panahon ni Duterte han DepEd in nakatambak la an mga ginpalit hine nga textbook, school furniture, learning material, IT hardware nga nagkakantidad hin bilyun-bilyon ka piso imbes nga ipagamit ine ha mga pampubliko nga eskwelahan.
