NATIONAL – Ginklaro han Palasyo nga waray pa nakakarawat nga komunikasyon an gobyerno tikang ha International Criminal Court kasumpay han posible nga pag-aresto han iba pa nga mga ka-akusado ni anay Pangulo Rodrigo Duterte .
Ini in kasunod han nauna nga pahayag ni Executive Secretary Lucas Bersamin nga nagsering nga posible arestuhon hi Senador Ronald ‘Bato’ dela Rosa kun magpalusad hin arrest warrant an International Criminal Court (ICC).
Pero sumala kan Palace Press Officer Claire Castro, waray pa nakakarawat nga sugad hini nga komunikasyon an Palasyo.
Ginmalatumat gihapon ni Bersamin nga an pag-aresto kan Dela Rosa ngan han iba pa nga mga akusado in maiimplementar la kun umagi hira hin pareho nga proseso han pag-aresto kan anay Presidente Duterte.
Kaupod ni Dela Rosa an akusado ni Duterte ha usa nga kaso nga krimen kuntra katawhan para ha pagpatuman han kampanya nga war on drugs han naglabay nga administrasyon.
