-- Advertisements --
NATIONAL NEWS – Nagpahimatngon an Department of Energy (DOE) han padayon nga paghitaas han presyo han mga produkto han petrolyo.
Sumala kan DOE Oil Industry Management Bureau Director Rino Abad nga inaabat na an epekto han tensyon ha butnga han Iran ngan Israel.
Sumala kan Abad, posible nga humitaas an presyo han petrolyo tubtob ha katapusan han bulan.
Ha luyo hini, naglalaum an ahensiya nga magigin minimal an epekto hini ha nasud tungod kay an Pilipinas in diri direkta nga nakuha hin suplay hin lana tikang ha Iran.
Gin-klaro naman ni Abad nga mayda iba nga mga nasud nga nagsusuplay hin petrolyo agud an mga kompanya hin lana in magkamay-ada supisyente nga suplay.
