NATIONAL – Ginsigurado han Department of Education nga uunahon nira an problema ha kakulangan han mga klasrum mahuman matagan hin pinakadako nga pondo ha 2026 proposed budget.
Kun manunumduman, aada ha P928.52 billion tikang ha P6.793 trillion an panukala nga pondo ha 2026 an makakadto ha education department.
Sumala kan DepEd Sec. Sonny Angara, klaro an ira panuyuan nga magkamayda hin talwas, sakto ngan napapanahon nga mga classroom para ha kada learner ha bisan hain nga parte han nasud.
Nagpasalamat naman hi Angara ha Department of Budget and Management ha pagbubutang nira hin special provision ha 2026 National Expenditure Plan nga naghahatag hin higayon ha DepEd nga makig-partner ha iba pa nga ahensya agud maipatuman an ira mga programa.
Ha ilarum han presente nga set-up, an DepEd an natudlok nga pangitaon an pankinahanglan han mga classroom, maghimo hin design and safety standards ngan mga pagprograma an nasabi nga pondo.
