TACLOBAN CITY – Ginsuhestyon ni Tacloban City Mayor Alfred Romualdez kan Department of Transportation Secretary Vince Dizon nga kumuha hin 2000 dwt tunnel nga barge kumo solusyon agud mapalaksi an pagtabok han mga sarakyan ngan pasaheros han Samar ngan Leyte.
Dugang pa ni Romualdez, gutiay la an kinahanglan nga aydon kun barge an gagamiton ngan mas mag-iiha lugod an pagtabok han mga sarakyang kun huhulaton pa nga maayad an pantalan ha Basey, Samar.
Pinakamalaksi daw nga sulosyon an 2000 dwt tunnel barge mahitungod nga dire na kikinahanglanon nga mag-drench ha pagtabok han mga magbug-at nga sarakyan.
Sumala pa hine, dire magigin delikado an paggamit han barge ngan dire gihapon aabaton an pag-agi han dagko nga sarakyan mahitungod nga 2000 dwt tunnel man ine, lugod in kinahanglan la nga siguraduhon nga secured an pagka-dukot hine ha pier.
