NATIONAL – Mas papahugtan han Department of Trade and Industry an pagbantay ngan pag-monitor nira ha mga produkto nga mapapalit han mga Pilipino nga konsyumer ha online.
Ginsigurado han buhatan nga seryoso nira nga ginpapatuman an mas mahugot nga monitoring mahitungod nga ha pagkayana in ka-urugan nga gingagamit na han publiko an mga e-commerce platforms.
Sumala kan DTI Secretary Maria Cristina Roque, makusog la gihapon kutob yana an online shopping nga nagtikang han nakalabay nga pandemya.
Dugang pa hini, ginbuhat nira an usa nga pagharampang kaupod an mga dagkonga kumpanya han e-commerce platforms agud igpaabot nga an ira buhatan in nababaraka ha mga produkto nga napapalit online.
Ginpahimatngon naman ni Sec. Roque nga kinahanglan in dire la an ahensiya an nakiwa ngan ginaghat niya an publiko nga magin mapag-ikmat ngan maghirot gihapon ha mga ginpapalit.
Panawagan naman niya nga dayon igreport ha ira buhatan an mga online shop nga nakapan-scam o nakapambiktima ha mga molupyo.
