Iginduon ni House Senior Deputy Minority Leader at Mamamayang Liberal (ML) Party-list Rep. Leila de Lima nga waray magtalapas ha Bank Secrecy Law o anuman nga balaod an impeachment proceedings han Kamara de Representantes ha “suspicious at covered” financial transactions ni Vice President Sara Duterte.
Ini in mahuman nga magsalawad hin kaso kriminal an asawa han Bise Presidente nga hi Atty. Manases “Mans” Carpio kontra ha pira nga opisyal han Bangko Sentral ng Pilipinas, Anti-Money Laundering Council, ngan pira nga membro House Justice Committee mahitungod ha pagtalapas han confidential banking records.
Sumala kan De Lima, mayda katungod hi Carpio nga magpasaka hin kaso pero klaro nga an impeachment proceedings in dire sakop han Bank Secrecy Law mahitungod nga ini in usa nga “sui generis” o naiiba nga proseso han pagbaton han mga opisyal han gobyerno.
Igin ekslikar gihapon hini nga an Kamaa in dire direkta nga kumuha han bank accounts kundi mga report tikang ha AMLC kasumpay ha “suspicious ngan covered transactions,” nga ha ilarom han balaod in kinahanglan ig-report han mga bangko ngan dire maikokonsidera nga pagtalapas ha bank secrecry rules.
Kun manunumduman ha report han AMLC, natudlok an bilyones ka-pesos nga transaksyon nga konektado kanda Duterte ngan Carpio, kaupod an mga report han posible nga kaduda-duda nga aktibidad tikang han tuig-2006 kutob 2025.
Samtang, nanawagan naman hi House Human Rights Chair Rep. Bienvenido Abante Jr. kan VP Sara nga umatubang ha impeachment hearing ha Abril 29 agud batunon an mga alegasyon, ngan tagan hiya hin due process kun maatender hiya.
Sumala naman kan House Public Accounts Chair Rep. Terry Ridon, mayda na suprisyente nga basaranan para ha “probable cause” han impeachment, ngan ginlalauman nga mabotos an komite ha Myerkules ugsa ini igsaka ha plenaryo han Kamara ngan posible nga igduso ha Senado para ha hearing.
