Nagdig-on hi Justice Secretary Fredderick Vida nga dire niya iginkokonsidera nga “impossible” an padayon nga pamiling ha pugante nga anay kongresista nga hi Zaldy Co, nga dabi ha kaso han malversation han bilyones ka-pesos nga pondo para ha flood control projects.
Ha usa nga pahayag dida han Dominggo mahuman nga umatender ha misa ha Church of Our Lady Victorious ngan The Infant Jesus of Prague, Czech Republic, gin malatumat ni Visa nga padayon an koordinasyon han Pilipinas ha mga otoridad ha Europa, kalakip na an pakikighampang ha Ministry of Justice han Czech Republic
Sumala ha DOJ Chief, igin lakip niya ha iya pag-ampo an kalangpusan han ira misyon, ngan an pagpapadayon han pamiling ngan posible nga pagpapauli kan Co ha Pilipinas.
Manunumduman nga hi Co in lumakat ha nasud dida han kabutngaan han tuig-2025 para ha iya medical check-up pero waray na bumalik mahuman madabi ha maanomaliya nga flood control projects.
Hiya in anay chair han House Appropriations Committee ngan gin akusahan nga mayda koneksyon ha iregularidad ha pag-apruba han pondo.
Syahan na nga gin kansela han gobyerbo an ira pasaporte mahuman an mga alegasyon tikang ha pira nga kontraktor ngan opisyal han gobyerno.
Nagawas gihapon nga di pala maiha an mga report kasumpay han pagkakaaresto kan Co ha Czechia, pero gin klaro han mga otoridad nga dire pa ini kumpirmado.
Ha kaluyo han kontrobersiya, ginmalatumat ni Visa nga nagpapabilin hiya nga nakatutok ha ira mandato.
“Kapag hindi na natin kaya, hihingi tayo kay Lord ng tulong,” sumala kan Vida.
Igin istorya gihapon hini an iya pag-atender han misa, nga subay nga iya naghihingadaya ha “Good Shepherd,” usa nga mensahe han pamiling han nawawara nga tupa.
