ODD NEWS – Nagin parte na hiton aton kabataan an pag-gabot hin uban ha aton mga kag-anak, lolo ngan lola, kabalyu hiton pira nga sensilyo para iparalit hin chichirya o kun ano-ano pa.
Sigurado nga damo iton makaka-relate hine ilabi na adton mga batang 90’s.
Pero diri mo na kinahanglan mag-throwback para ma-eksperyensyahan utro ine, matungod nga usa nga salon ha Tokyo Japan iton nag-ooffer hin service nga pag-gabot hin uban ha ira mga customers.
Kakaiba iton mao nga salon matungod nga pag-gabot la hin uban iton ira gin-ooffer nga serbisyo ha mga parokyano.
An ira mga customer in puydi bilngan ngan gabutan hin uban ha sakob hin 30 minutos nga may service fee nga 3,980 YEN, samtang an option 2 naman in pag-gabot hin uban ha sakob hin 60 minutos o usa kaoras nga maabot naman ha 7,480 YEN iton bayad.
An Shiraganuki Honten an pinakasiyahan nga salon ha bug-os nga kalibutan nga nag-ooffer hin sugad nga klase hin serbisyo, ngan ine in gintatawag nga “White Hair Plucking Main Salon.”
