-- Advertisements --
NATIONAL NEWS – Posible na nga maabat ha mga masunod nga bulan an epekto han ginpaubos nga taripa han bugas.
Ine an igin pahayag ni Department of Agriculture Assistant Secretary Arnel de Mesa, kasumpay na gihapon han nagin pitad han gobyerno nga pahabub-an an anay 35% nga taripa han bugas tikadto ha 15%.
Sumala kan Asec De Mesa, posible nga maabat na an maupay nga epekto han nasabi nga pitad ha pag abot hiton bulan han Hulyo o Agosto han presente nga tuig.
Ha nasabi nga bulan in posible nga maibanan na daw hin P6 ngada ha P7 an kada kilo han presyo han bugas ha bug-os nga nasud.
Kadungan hine in ginsigurado gihapon han opisyal an mahugot nga monitoring nga pagbubuhaton han ahensya ha mga market price han bugas.
