TACLOBAN CITY – Nahipatik han Philippine Drug Enforcement Agency 8 nga maabot ha 1,043 nga mga anti-drug operation an malinampuson nga gindumara dida han first quarter han 2025 kun diin, maabot ha 36, 310 ka-gramo han shabu, 386 ka-gramo han marijuana, ngan 6,652 ka-gramo han cocaine an nakumpiskar.
Sumala kan PDEA Regional Office VIII Information Officer Rogelette Urgel, maabot ha 47.80 billion pesos nga kantidad hin illegal nga droga an nakumpiskar han PDEA ha bug-os nga nasud kun diin, mas hataas ini hin 123% kumpara dida han nakalabay nga tuig 2024.
Mahitungod hini in lauman nga mas magigin mahugot an pagbabantay han mga otoridad ha Sinirangan Bisayas agud mapuypoy ngan dire makasakob an illegal drugs ha rehiyon.
Utro naman nga nagpahinumdum ha publiko an PDEA 8 nga likayan an pagbaligya ngan paggamit han mga ilegal nga droga mahitungod nga ini in makakaghatag hin dire maupay nga epekto ha kinabuhi.
