TACLOBAN CITY – Igsasalin-urog han OSCA Tacloban an Elderly Week, yana nga Oktubre 1–7 alinsunod ha Proklamasyon Blg. 470 ni anay Presidente Fidel V. Ramos agud tagan pagkilala an mga senior citizens.
Magtitikang an selebrasyon ha pamamaagi han usa nga misa ngan motorcade.
Ha bug-os nga semana in pagbubuhaton gihapon an magkaduro-dilain nga mga aktibidad sugad han talent showcase, ballroom dancing, ngan dialogues kaupod an mga business groups.
Subay kan Flordelis Menzon, Head, Office of the Senior Citizens Affairs, panuyuan han aktibidad nga aghaton an mga Senior Citizens nga magpabilin nga aktibo ha pisikal ngan mental nga aspeto agud nga maiwasan an bisan ano nga sakit.
Gin-aaghat naman ni Menzon an mga Senior Citizens han Tacloban nga makiusa han pagbubuhaton nga selebrasyon. (via Bombo Shiela Encio)
