-- Advertisements --
INTERNATIONAL NEWS– Nakatalaan nga magpapadara an North Korea hin dugang nga 30,000 nga mga kasundaluhan para bumulig ha Russia agud nga makontra an Ukraine.
Subay ha ginpagawas nga intelligence office han Ukraine nga posible umabot an nasabi nga mga ihap ha masunod nga bulan.
Manunumduman, han nakalabay nga tuig, nagpadara gihapon an North Korea hin 11,000 nga sundalo nga bumulig nga masakop an Kursk region han Ukraine.
Dugang pa han Ukraine Intelligence Agency mayda eroplano han Russia an nakit-an nira ha border han Siberia kun diin naghahakot ine hin mga kasundaluhan tikang ha North Korea.
Matungod dinhi, padayon an hangyo ni Ukrainian President Volodymyr Zelensky ha mga kaalyado nga nasud nga dugangan an ira bulig-militar.
