TACLOBAN CITY– Ginklaro han National Housing Authority Region 8, an isyu kasumpay han kawaray tubig ha mga pabahay nga igin-iisyu ha mga benepisyaryo pinaagi ha ira buhatan.
Sumala kan Regional Manager Engr. Clemente A. Dayot han NHA 8, an local nga pangobyernuhan an dapat mag-asister ha ira sakop nga mga pabahay, matungod nga an trabaho han NHA in magtukod la hiton mga balay.
Subay ha mga residente, han Ver Domic Heights Subdivision ha Brgy. San Jose Palo, Leyte ngan pira pa na Pambansang Pabahay Para Sa Pilipino.haros 5 katuig na nga waray hira makaka-agom hiton suplay han tubig.
Sumala kan Marlyn Bandong Assistant Secretary han Phase 1 Brgy. San Jose Palo, Leyte, han paghataga ha ira han balay in waray ine linya hiton tubig, kutob ha pagkayana.
Mababaruan nga haros 500 nga pamilya an naukoy ha mao nga pabahay, kadam-an ha ira in nagbabayad hin P5-10 kada container han tubig, agud nga mayda an mga ine gamiton.
via | Jake Chan Paguipo
