-- Advertisements --
INTERNATIONAL – Utro nga naglatag hin mga kondisyon hi Israeli Prime Minister Benjamin Netanyahu agud mahuman na an giyera ha Gaza.
Nanguna dinhi an dayon nga pag-disarma ha mga Hamas, pagpapagawas ha mga bihag buhi man o patay.
Importante gihapon nga magin demilitarised na an Gaza ngan magbutang gihapon an Israeli security control ha Gaza Strip kaupod na an security perimeter.
Magkakamayda gihapon hin alternative civil administration ha butnga han Hamas ngan Palestinian Authority.
Samtang, manunumduman nga iginkasina han Hamas an damo nga mga kondisyon han Israel nga nagpapakita la nga dire hira interesado ha ceasefire.
