NATIONAL NEWS– Abre hi National Bureau of Investigation (NBI) Director Jaime Santiago ha posibilidad nga i-tap an International Criminal Police Organization (Interpol) para lanaton adton Filipino content creator ha iba nga nasud nga gin-akusaran hiton pagpapasarang hin disinformation.
Ha butnga han padayon nga imbestigasyon han NBI ha mga vlogger nga gin-aakusaran ha pagpapasarang hiton fake news, ginsigurado ni Santiago nga magiging tangkod hira ha proseso ngan pag-aro hin bulig ha Interpol nga i-extradite an mga tumalapas ngab Filipino vlogger nga nakabase ha langyaw.
Ginhimo ni Santiago an nasabi nga pahayag, mahuman niya igbuyagyag nga natudlok ngan ginbabanatay han NBI an ada ha 20 nga mga vlogger nga gintutuohan nga nagpapasarang hiton sayop nga impormasyon.
Ginpaangbit pa han NBI chief, an mga ayat ha hurisdiksyon ha paglanat hiton mga indibidwal ha iba nga may magkalain lain nga legal frameworks partikular ha Estados Unidos kun diin dire criminalized an libel.
