Nagkamayda hin mapaso nga argumento ha Senado ha butnga nira Senate President Alan Peter Cayetano ngan DILG Sec. Jonvic Remulla samtang gindudumara han PNP-CIDG an pag-dakop kan Sen. Jinggoy Estrada kasumpay han kaso nga plunder.
Samtang ginpapatuman an warrant of arrest, ginduon ni Cayetano nga dapat ig-respeto an institusyon han Senado ngan tugotan hi Estrada nga gumawas anay ugsa dakpon.
Mahugot naman nga ginbaribaran ini ni Remulla ngan ginduon nga nawara na an pribilehiyo han Senado mahuman an insidente han pag-eskapo ni Sen. Ronald “Bato” Dela Rosa tikang ha protective custody.
Samtang, nagpapabilin nga sentro han kontrobersiya an kaso ni Estrada nga may kalabutan ha P573 milyon nga anomalya ha flood control projects, usa nga kaso nga non-bailable nga may sirot nga reclusion perpetua.
